Ўзбекистонда вакцина синовида қатнашиш учун мурожаат қилганлар сони 10 мингга яқинлашди
Хитойда ишлаб чиқилган вакцинанинг Ўзбекистондаги синовларида 4281 киши 1-доза, 251 киши 2-доза билан эмланди.
Ўзбекистонда Хитой компанияси коронавирусга қарши ишлаб чиққан рекомбинант вакцинанинг 3-босқич синовлари давом этмоқда.
Инновацион ривожланиш вазирлиги хабарига кўра, 23 январь ҳолатига, синовда қатнашиш учун скринингга келган кўнгиллилар сони 9596 нафарга етган.
Улардан 4281 нафар кўнгилли вакцинанинг 1-дозаси билан ва 251 нафар кўнгилли вакцинанинг 2-дозаси билан эмланган.
Синов доирасида жами 5 минг нафар кўнгилли уч доза вакцина билан эмланади. Кўнгиллилар 18 ёшдан катта ва сурункали касалликларга чалинмаган бўлиши талаб этилади.
- Вакцина синови 12 декабрда бошланганди. Даставвал Инновацион ривожланиш вазирлиги раҳбариятининг 20 нафар кўнгилли оила аъзолари биринчи дозада эмланган эди.
- ZF 2001 номли вакцинани Хитойнинг Anhui Zhifei Longcom Biopharmaceutical компанияси яратган.
Ўзбекистонда коронавирусга қарши эмлаш тадбирлари февраль ойи охирида бошланиши айтилмоқда.
Мавзуга оид
20:25 / 23.10.2024
Британияда норовирусга қарши дунёдаги биринчи вакцинани синовдан ўтказиш бошланди
21:15 / 13.09.2024
ЖССТ маймунчечакка қарши биринчи вакцинани тасдиқлади
00:00 / 06.09.2024
Конго mpox’га қарши вакцинанинг биринчи партиясини қабул қилиб олди
00:11 / 24.08.2024