Пандемиянинг салбий оқибатларига қарамай, республикага келиб тушган халқаро трансчегаравий пул ўтказмалар ҳажми ошган.
Марказий банк 2021 йилнинг январ ойида республикага келиб тушган жисмоний шахсларнинг халқаро трансчегаравий пул ўтказмалари ҳақида маълумот берди.
Қайд этилишича, ўтган ойдаги халқаро трансчегаравий пул ўтказмалари ҳажми 427 миллион долларни ташкил этган. Бу миқдор 2020 йилнинг мос даврига нисбатан 27 миллион долларга ёки 7 фоизга ошганини кўрсатмоқда.
Чет элга юборилган трансчегаравий пул ўтказмалари миқдори эса 101 миллион долларга етди. Натижада халқаро трансчегаравий пул ўтказмалари бўйича ижобий сальдо 326 миллион долларни ташкил этди.
Яқинда 2020 йилда Ўзбекистонга келиб тушган халқаро трансчегаравий пул ўтказмалари ҳажми 6,03 миллиард долларни ташкил этиб, 2019 йилга нисбатан 17 миллион долларга ёки 0,3 фоизга ошгани хабар қилинганди.
