Шаҳзода Ҳарри ва унинг рафиқаси қироллик оиласи аъзолари мажбуриятларини бажаришдан батамом воз кечишди
Букингем саройи шаҳзода Ҳарри ва унинг рафиқаси Меган Маркл Британия қироллик оиласи аъзолари мажбуриятларини бажаришдан батамом воз кечганларини тасдиқлади. Саройда таъкидланишича, қироллик оиласи бу қарордан қайғуда, бироқ Сассекс герцоги ва герцогиняси қироллик оиласининг суюкли аъзолари бўлиб қолишади.
Эндиликда шаҳзода ва малика барча ҳарбий унвонлардан маҳрум бўладилар ҳамда кўплаб хайрия ташкилотлари ва таълим муассасаларининг ҳомийлари бўла олмайдилар.
Шу билан бирга, улар Сассекс герцоги ва герцогиняси бўлиб қоладилар ва Ҳарри шаҳзода унвонини сақлаб қолади.
Жуфтлик қироллик оиласи катта аъзолари мақомидан воз кечиш ва қироллик оиласидан молиявий мустақил бўлиш қарори ҳақида бир йил аввал эълон қилганди. 2020 йил март ойида шаҳзода ва малика қироллик оиласи аъзолари мажбуриятларини бажаришдан расман воз кечишган, бироқ қиролича бу масала бўйича якуний қарорга келиш учун уларга бир йил муддат берган.
Охирги маълумотларга кўра, жуфтлик иккинчи фарзанд кутмоқда. Шаҳзода ва маликанинг тўнғич фарзанди Арчи май ойида 2 ёшга тўлади.
Ҳозирда жуфтлик Калифорнияда яшамоқда.
Мавзуга оид
16:19 / 09.10.2024
Британия аҳолиси мигрантлар ҳисобига сўнгги 50 йил ичида энг юқори даражада ўсди
13:20 / 04.10.2024
Евроиттифоқ ва Британия ҳамкорлик тўғрисида келишиб олди
09:50 / 23.09.2024
Британия компанияси Ўзбекистон бўйлаб ҳашаматли сайёҳлик поездини йўлга қўйди
08:50 / 23.09.2024