«Ўзбекинвест»: 2020 йилда 37 000 дан ортиқ кичик бизнес ва хусусий тадбиркорлик субъектларига суғурта хизматлари кўрсатилди

2020 йилда республика тадбиркорларининг катта қисми юзма-юз келган салбий тенденцияларга қарамай, «Ўзбекинвест» компанияси томонидан тадбиркорлар фаолиятини турли қалтисликлардан, кўзда тутилмаган зарарлар ва ташқи муҳитнинг салбий таъсиридан ишончли суғурта ҳимоясини тақдим этиш кўламини ошириш бўйича бир қатор чора-тадбирлар амалга оширилди.

2020 йилда компания 37,3 мингдан ортиқ КБваХТ субъектларига суғурта ҳимоясини тақдим этди, бу эса 2019 йилда суғурталанган корхоналарнинг сонидан 11,3 мингга кўпдир.

Тадбиркорлар томонидан мол-мулк ва молиявий қалтисликлардан суғурталашга бўлган эҳтиёж ошгани кузатилмоқда, бунинг натижасида 35,0 трлн сўм миқдорида суғурта ҳимояси тақдим этилди ва бу 2019 йил натижаларидан 2,9 мартага кўп.

2020 йилда компания томонидан КБваХТ субъектлари билан тузилган 58 та шартнома бўйича 10,4 млрд сўм суғурта қопламалари тўлаб берилди.

Шу билан бирга, компаниянинг тадбиркорлик ва кичик бизнес субъектлари учун маҳсулотлари қатори доимий равишда кенгайтириб борилмоқда. Инновацион лойиҳаларни, тижорат кўчмас мулк ижарачилари жавобгарлигини, директорлар жавобгарлигини суғурталаш, молиявий лизинг ва кафиллик мажбуриятларини бажармасликдан суғурталаш ва бошқа бир нечта маҳсулотлар ишлаб чиқилди.

«Ўзбекинвест» ЭИСК АЖ Матбуот хизмати