Қўшимча функционаллар
-
Тунги кўриниш
«Ўзбекинвест» экспортни қўллаб-қувватлаш ва халқаро инвестициялар учун Скандинавия ҳамда Шимолий Европа мамлакатларида суғурта бозорларининг янги йўналишларини очмоқда
«Ўзбекинвест» суғурта компанияси хизмат сафари доирасида Шимолий Европа мамлакатларининг етакчи экспорт-кредит агентликлари раҳбарлари билан қатор музокаралар ўтказди. Жумладан, Даниянинг Export and Investment Fund of Denmark (EIFO) агентлиги (Копенгаген шаҳри), Швециянинг Exportkreditnämnden (EKN) агентлиги (Стокгольм шаҳри), Финландиянинг Finnvera компанияси (Хельсинки шаҳри) билан учрашувлар ташкил этилди.
Фото: Ўзбекинвест
Ўтказилган ишбилармонлик учрашувлари натижасида:
- миллий экспортёрларни қўллаб-қувватлашга қаратилган ҳамда Ўзбекистон маҳсулотларининг Дания, Швеция ва Финландия бозорларига кириш имкониятларини кенгайтириш бўйича қўшма ишларни назарда тутувчи EIFO, EKN ва Finnvera билан ҳамкорлик битимлари имзоланди;
- ўзаро ташқи савдо операцияларини амалга оширишда тижорат ва сиёсий хавф-хатарларни қоплаш бўйича қўшма ишларни йўлга қўйиш, шунингдек ахборот алмашиш ва иштирокчи давлатлар экспортёрлари ҳамда инвесторлари учун янги бозорларни очиш мақсадида қўшма механизмларни ишлаб чиқиш юзасидан келишувга эришилди;
- давлат ва хусусий суғурта компанияларининг қўшма суғурталаш механизми белгилаб олинди, шунингдек Ўзбекистонга хорижий инвестициялар ҳамда илғор технологияларни жалб этиш учун зарур шарт-шароитларни яратиш масалалари муҳокама қилинди;
- ташқи савдо операцияларини суғурта ҳимояси билан таъминлаш, мазкур мамлакатлардан Ўзбекистонга тўғридан-тўғри хорижий инвестицияларни жалб қилиш ҳамда савдо-иқтисодий шерикликнинг янги йўналишларини ишлаб чиқиш доирасида мулоқотни давом эттириш бўйича яқин ҳамкорлик чоралари белгиланди.
Шунингдек, «Ўзбекинвест» делегацияси етакчи халқаро суғурта ва брокерлик компаниялари — RiskPoint Group (Копенгаген шаҳри), Howden Re (Стокгольм шаҳри), Säkra (Мальмё шаҳри), Aon (Хельсинки шаҳри) ва бошқалар билан ҳам қатор учрашувлар ўтказди.
Ушбу музокаралар давомида тижорат суғуртаси соҳасида, жумладан факультатив жойлаштиришлар ва ихтисослашган рисклар бўйича истиқболли ҳамкорлик йўналишлари белгиланди. Шунингдек, компаниянинг халқаро жойлаштиришларда иштирок этиш форматлари муҳокама қилиниб, «Ўзбекинвест» учун Скандинавия ва Шимолий Европа мамлакатлари суғурта бозорларига кириш бўйича эҳтимолий имкониятлар аниқланди.
Колл-марказ: (+998) 71−207−60−00, 1160
Мавзуга оид
10:00 / 14.04.2026
«O‘zbekinvest» ва FALIA суғурта бозорини ривожлантириш ҳамда ҳамкорликни кенгайтириш масалаларини муҳокама қилди
10:00 / 26.03.2026
«Ўзбекинвест» ва SACЕ экспорт суғуртаси соҳасида ҳамкорликни ривожлантириш масалаларини муҳокама қилди
10:00 / 25.03.2026
«Ўзбекинвест» ва Савдо-саноат палатаси Ўзбекистон ҳудудларида экспортчиларни қўллаб-қувватлашни кучайтирмоқда
10:20 / 30.12.2025