NASA яқин ўн йил ичида Ойга биринчи аёл кишини юборишни режалаштирмоқда

Маълум қилинишича, «Артемида» дастури доирасида режалаштирилаётган миссияга тўққиз нафар эркак ва тўққиз нафар аёл киритилади.

Фото: NASA

АҚШ Аэронавтика ва космик маконни тадқиқ этиш миллий бошқармаси (NASA) яқин ўн йил ичида Ойга биринчи аёлни учиришни режалаштирмоқда. Бу ҳақда CBS News хабар берди.

NASA космик парвозлар раҳбари Чарли Блэквелл-Томпсоннинг сўзларига кўра, «Артемида» дастури доирасида режалаштирилаётган миссияга тўққиз нафар эркак ва тўққиз нафар аёл киритилади.

Шу билан бирга, CBS News’нинг қайд этишича, маблағлар ортиқча сарфланиши сабабли «Артемида» дастурини амалга ошириш кечикмоқда.

NASA аввалроқ Ойнинг Қуёш ёритиб турадиган томонида сув борлигини исботлайдиган далиллар топилганлиги ҳақида хабар қилганди. Аммо тадқиқотчилар унинг миқдори жуда озлигини қайд этишган.

Тайёрлаган: Дилшод Аскаров

#NASA #Ой