Арташес Давтян Beeline Uzbekistan’нинг янги бошқарувчиси этиб тайинланди. Бунгача у Yandex.Lavka раҳбари бўлган.
Арташес Давтян 2021 йил 15 мартдан Beeline Uzbekistan бош директори сифатида иш бошлайди. Бу ҳақда VEON компаниялар гуруҳи матбуот хизмати хабар бермоқда.
Арташес Давтян Beeline Uzbekistan бош директорлигига тайинланишдан олдин Gillette, PepsiCo, Mars ва Yandex.Lavka каби халқаро компанияларда ишлаган.
Маълумот учун, Арташес Давтян компания бошқарувига келган охирги 3 йилдаги учинчи бош директор ҳисобланади. 2015 йилнинг сентябридан компанияга раҳбарлик қилган Дмитрий Шуков 2020 йилнинг 1 мартида лавозимни тарк этганди. Унинг ўрнига келган Сергей Афонин кейинги иш фаолиятини VEON компаниялари гуруҳидан ташқарида давом эттиришини маълум қилган.
