Beeline Uzbekistan Opensignal томонидан мамлакатнинг энг тезкор мобил интернети ва энг барқарор тармоғи деб топилди

Телекоммуникация соҳаси мутахассислари томонидан тадқиқотлари юқори баҳоланган Opensignal компанияси ўзига хос ёндашувдан фойдаланади: маълумотлар машҳур иловаларга (ижтимоий тармоқлар, ўйинлар ва х.к.) ўрнатилган SDK ёрдамида автоматик тарзда тўпланади, бу эса бундай иловаларнинг фойдаланувчи ҳаракатлари таъсирини бартараф этади. Синовлар 24/7 режимида ўтказилади ва юклаб олиш тезлигидан тортиб видеостриминг, овозли қўнғироқлар ва мобил ўйинларгача бўлган барча онлайн сценарийларни қамраб олади. Ўзбекистонда ҳар ойда миллионлаб ўлчовлар, шу жумладан, тармоқ қамрови ва сигнал сифатининг фон кўрсаткичлари таҳлил қилинади.

Opensignal’нинг "Ўзбекистон: минтақавий позиция ва оператор тажрибаси — 2025 йил сентябр" ҳисоботига кўра, Beeline Uzbekistan мамлакатдаги энг юқори ўртача юклаб олиш тезлигини таъминлайди — 20,2 Мбит/с.

Beeline Uzbekistan, шунингдек, мамлакатдаги энг барқарор тармоқни тақдим этади. Барқарор сифат кўрсаткичи ўтказувчанлик қобилияти, кечикиш, тебраниш, пакет йўқотилиши ва биринчи байтгача бўлган вақт каби асосий параметрлар бўйича фойдаланувчи тажрибасини акс эттиради.

Upload Speed Experience бўйича Beeline Uzbekistan Ўзбекистондаги яна иккита етакчи оператор билан биринчи ўринни эгаллади, уларнинг барчаси 5,8-6,6 Мбит/с оралиғида статистик жиҳатдан таққосланадиган натижаларга эришди. Ушбу кўрсаткичлар фойдаланувчилар учун кундалик воқеликни акс эттиради — юклаш ва юклаб олиш самарадорлигидан тортиб, алоқа сифати ва видео платформалар, онлайн ўйинлар ва видеоқўнғироқлар каби талабчан иловалардан қулай фойдаланиш қобилиятигача.

Opensignal бош директори Чарлз Рутштейн шундай деди: "Beeline Uzbekistan’нинг "Энг тезкор мобил тармоқ" ва "Энг барқарор сифатли тармоқ" бўйича ғалабаси Ўзбекистон фойдаланувчилари учун мобил тармоқ сифатини яхшилашга бўлган аниқ интилишни кўрсатмоқда. Бу ютуқ Opensignal мустақил методологияси билан тасдиқланган. Уларнинг саъй-ҳаракатларини эътироф этишдан мамнунмиз".

Opensignal Awards расмий тақдирлаш маросими 2025 йил 23 сентябр куни Тошкентда ICT Week Uzbekistan ҳафталиги доирасида бўлиб ўтади.

"Ушбу нуфузли номинациялардаги ғалабаларимиз тармоқни ривожлантириш ва модернизация қилишга йўналтирилган кенг кўламли инвестицияларнинг бевосита натижасидир. 2024 йил бошидан буён Beeline Uzbekistan 5 850 дан ортиқ база станцияларини қурди ва янгилади, бу эса бутун мамлакат бўйлаб тезлик ва барқарорликни сезиларли даражада оширди. Бугунги кунда мижозларимиз ҳар қачонгидан ҳам кўпроқ интернетдан фойдаланмоқда: 2025 йил июл ойида ҳар бир интернет фойдаланувчиси учун ўртача ойлик фойдаланиш ҳажми 24 ГБ га етди — бу ўтган йилга нисбатан 52% га кўпдир. Ушбу инвестициялар бевосита хизматларимиз сифати ва биз тақдим этадиган рақамли тажрибани оширади", - деди Beeline Uzbekistan компаниясининг технологиялар ва инновациялар бўйича бош директори Гедиз Сезгин.

"Opensignal тадқиқотлари мобил интернет сифати ва тезлиги бўйича етакчилигимизни яна бир бор тасдиқлайди. Бизнинг мақсадимиз — Beeline Uzbekistan мамлакатдаги энг тезкор ва изчил тармоқ бўлиб қолишини таъминлаш, иш, мулоқот ва ҳордиқ чиқариш учун янги имкониятларни очишдир. Бу ютуқлар инфратузилма ва инновацияларга сармоя киритиш бўйича узоқ муддатли стратегиямиз натижасидир. Ишончим комилки, тармоғимизнинг доимий ривожланиши мижозларимизга рақамли дунёда янада кўпроқ эркинлик, уларга илғор коммуникация технологияларидан тўлиқ фойдаланиш имконини беради," — деди Beeline Uzbekistan бош директори Андрей Пятахин.

Opensignal ҳақида

Opensignal — телекоммуникация соҳасида кенг ҳурмат қозонган, фойдаланувчининг ҳақиқий тажрибасини ўлчашда тан олинган жаҳон стандарти бўлган етакчи мустақил таҳлил компаниясидир. 2010 йилда ташкил этилган компания АҚШ, Буюк Британия, Канада, Осиёда штаб-квартиралари ва бутун дунё бўйлаб офисларига эга. Opensignal 120 дан ортиқ операторларни қамраб олган ҳолда 60 дан ортиқ мамлакатлардаги мобил алоқа тармоқлари фаолиятини таҳлил қилади. Биргина 2024 йилда компания мобил тармоқлар, кенг полосали алоқа самарадорлиги ва бозор таҳлили бўйича 225 дан ортиқ ҳисоботларни эълон қилди.

Beeline Uzbekistan ҳақида

Beeline Uzbekistan ("Unitel" МЧЖ) 2006 йил 12 сентябрдан бошлаб ушбу савдо белгиси остида рақамли оператор сифатида фаолият юритиб келмоқда. Компания мамлакатдаги йирик солиқ тўловчилардан бири бўлиб, Ўзбекистондаги фаолияти давомида тахминан 2,1 миллиард АҚШ доллари миқдорида солиқ тўлаган. 2 000 дан ортиқ ходимга эга Beeline Uzbekistan Top Employer 2024 ва 2025 сертификатига сазовор бўлган.

Beeline Uzbekistan VEON Group таркибига киради. VEON 2006 йилдан буён Ўзбекистон телекоммуникация соҳасига 1,6 млрд АҚШ долларидан ортиқ сармоя киритган.

VEON – 150 миллиондан ортиқ алоқа хизмати мижозлари ва тахминан 120 миллион ойлик фаол рақамли фойдаланувчиларга хизмат кўрсатадиган рақамли оператордир. Компания дунё аҳолисининг 6% дан ортиғи истиқомат қиладиган 5 мамлакатда фаолият юритади ва технологияларга асосланган хизматлари орқали инсонларнинг ҳаётини ўзгартириб, иқтисодий ўсишга ҳисса қўшмоқда. VEON бош қароргоҳи Дубайда жойлашган бўлиб, акциялари NASDAQ биржасида сотилади. Батафсил маълумот www.veon.com

Beeline.uz | Facebook | Instagram | Telegram | Twitter |LinkedIn