Қўшимча функционаллар
-
Тунги кўриниш
Хитой ҳукумати ва Alibaba асосчиси ўртасидаги кураш мамлакат иқтисодиётига зарба бериши мумкин
Инвесторлар ва бизнес аҳли шаффофликнинг йўқлиги ва ўзгача фикрлаш кескин босимга учрашидан хавотирда.
Фото: Bloomberg
Хитой ҳукуматининг Alibaba асосчиси Жек Ма билан кураши мамлакат иқтисодиётига зарба бериши мумкин, деб ёзмоқда Bloomberg.
Қайд этилишича, стартаплардан бири раҳбари Alibaba даражасидаги бизнесга эга бўлишни хоҳламаётгани, ҳукумат эътиборига тушишдан чўчиётганини айтган.
Яна бир бизнесмен эса омма олдида чиқишлар қилишдан воз кечган ва робототехника билан боғлиқ ишини Хитойдан ташқарида ривожлантирмоқчилигини билдирган.
Агентликнинг ёзишича, инвесторлар ва бизнес аҳли шаффофликнинг йўқлиги ва ўзгача фикрлаш кескин босимга учрашидан хавотирда.
"Жек Ма билан юз берган воқеа ҳеч ким хавфсизликда эмаслигини кўрсатди", - дея тадбиркорлардан бирининг сўзларидан иқтибос келтиради агентлик.
Жек Ма ўтган йил октябрда халқаро молиявий регуляторлар қоидалари эскирганини айтиб, Хитой банкларини танқид қилганидан сўнг назорат пакети Мага тегишли бўлган Ant Group IPO’си қолдирилди.
Декабрда Хитой регуляторлари Ant Group’ни шаффоф рақобат принципларини ва истеъмолчилар ҳуқуқларини бузишда айблади. 24 декабрда эса Alibaba устидан текширув бошлангани маълум қилинди.
Охирги марта октябрда омма олдида кўринган Жек Ма уч ойдан сўнг – январ ўрталарида кўриниш берди.
Мавзуга оид
22:37 / 02.02.2026
Хитой кетма-кет 16 йилдан буён дунёдаги энг йирик кемасоз давлат мақомини сақлаб турибди
20:40 / 02.02.2026
Хитойда Бирма мафиясининг яна тўрт аъзоси қатл этилди
23:40 / 30.01.2026
Панама канали Хитой компаниясидан олиб қўйилди
20:07 / 30.01.2026