Қўшимча функционаллар
-
Тунги кўриниш
Ўзбекистон Хитойдан коронавирусга қарши 1 млн дозадан ортиқ вакцина олади
Инновацион ривожланиш вазирининг маълумот беришича, Ўзбекистонда Хитой вакцинасининг учинчи босқич синовлари ўтган йилнинг декабрида бошланган.
Март ойида Ўзбекистон Хитойдан 1 млн дозадан ортиқ ZF-UZ-VAC 2001 коронавирусга қарши вакцинасини олади. Бу ҳақда Ўзбекистон инновацион ривожланиш вазири Иброҳим Абдураҳмонов "Синхуа" агентлигига берган интервьюсида маълум қилди.
Унинг сўзларига кўра, Ўзбекистонда Хитой вакцинасининг учинчи босқич синовлари ўтган йилнинг декабрида бошланган.
Вазирнинг маълумот беришича, ҳозиргача 7 минг нафардан ортиқ кўнгилли эмланган ва синовлар яхши натижа кўрсатган. Аксарият кўнгиллиларда эмлашдан сўнг ножўя таъсирлар кузатилмаган.
"Жуда озчиликдагина аллергик реакция ва ҳарорат кўтарилиши кузатилди. Барча симптомлар назоратга олинди ва уч-тўрт ичида барча эмланганлар ўзларини яхши ҳис қила бошлади", - деди Абдураҳмонов.
Вазир Ўзбекистон Хитой билан 1 млн дозадан ортиқ вакцина сотиб олиш борасида келишувга эришганини айтди.
"Вакциналар март ўрталарида Ўзбекистонга келганидан сўнг аҳолини оммавий эмлашни бошлашни мақсад қилганмиз", - деди у.
Коронавирус Ўзбекистонда
Мавзуга оид
08:43
Жаҳон нефть савдоси маркази Осиёга кўчмоқда
22:15 / 09.06.2026
Хитойда илк марта одамга чўчқанинг иккита буйраги ва жигари муваффақиятли кўчириб ўтказилди
21:33 / 09.06.2026
Хитойнинг ўнлаб компаниялари Пентагоннинг қора рўйхатига киритилди
20:27 / 09.06.2026