Қўшимча функционаллар
-
Тунги кўриниш
Бугундан Ўзбекистонда ҳаво аста-секин исийди
Бугун кундуз куни антициклон периферияси Ўзбекистон ҳудудидан секин ортга чекинади, кундуз куни ҳаво аста-секин исийди.
«Ўзгидромет» хабарига кўра, ҳудудларнинг кўп қисмида ёғингарчилик кутилмайди, фақат Андижон, Наманган, Фарғона вилоятларининг баъзи жойларида ёмғир ёғиши мумкин. Баъзи жойларга туман тушади. Шамол 7-12 м/с тезликда эсади. Ҳаво ҳарорати 9-14 даража илиқни ташкил этади.
Пойтахтда ёғингарчилик кутилмайди. Шамол 3-8 м/с тезликда эсади. Куннинг ўртасига келиб, ҳаво ҳарорати 9-11 даража илиққача кўтарилади.
Республиканинг тоғли ҳудудларида ҳаво ўзгариб туради, баъзи жойларда ёғингарчилик (ёмғир, қор) бўлиши мумкин. Қор кўчиши хавфи бор. Баъзи жойларга туман тушади. Шамол 7-12 м/с тезликда эсади. Ҳарорат 2-7 даража илиқ бўлади.
