Фарғонада 430 млн сўмлик ноқонуний маҳсулотлар тўхтатиб қолинди

Вилоят божхона бошқармаси Коррупцияга қарши курашиш ва ўз хавфсизлик бўлими Контрабандага қарши курашиш ва божхона аудити бўлими билан ҳамкорликда тезкор тадбир ўтказди.

Фото: Давлат божхона қўмитаси ахборот хизмати

Тадбир давомида М.С. бошқарувидаги “Спринтер” юк машинаси қўшни давлатдан Ўзбекистон Республикасига “Фарғона” чегара божхона пости орқали кирган пайтда тўхтатилган.

Унда хорижда ишлаб чиқарилган ва божхона назоратидан ўтганини тасдиқловчи ҳужжатлари бўлмаган, қиймати 430 млн сўмлик 106 турдаги маҳсулот борлиги аниқланган.

Ҳозирда ҳолат юзасидан божхона органлари томонидан терговга қадар текширув ҳаракатлари олиб борилмоқда.

Аввалроқ машина ғилдираклари ичида ноқонуний тарзда олиб ўтилаётган спиртли ичимликлар ҳамда тамаки маҳсулотлари тўхтатиб қолингани ҳақида хабар берилган эди.

#божхона #Фарғона вилояти

Kun.uz янгиликларини Google News'да кузатинг

+ Обуна бўлиш