Қашқадарёда 2021 йилнинг 2 ойи давомида ЙТҲ оқибатида 26 нафар одам ҳалок бўлган

Қашқадарё вилоят йўл ҳаракати хавфсизлиги бошқармаси журналист ва блогерлар учун брифинг ташкил этди. Унда бошқарма бошлиғи ўринбосари Шерали Минглиев вилоят ҳудудида содир этилган йўл-транспорт ҳодисалари кескин ошиб кетаётганлиги сабаблари ҳақида маълумот берди.

Жумладан, 2021 йилнинг ўтган 2 ойи давомида вилоят ҳудудда йўл-транспорт ҳодисалари сони 60 тадан 58 тага ёки 3,3 фоизга, унда жароҳат олганлар сони 52 нафардан 46 нафарга ёки 11,5 фоизга камайган бўлса-да, ҳалок бўлганлар сони 26 нафарга етган.

Бундан ташқари, содир этилган 58 та йўл-транспорт ҳодисалари турлари бўйича таҳлил қилинганда:

Тўқнашувлар 11 та, ағдарилиш 6 та, тўсиққа урилиш 8 та, пиёдани уриб юбориш 27 та, велосипедчини уриб юбориш 6 тани ташкил қилган.