Канадада номаълум шахс кутубхонадаги одамларга ҳужум қилди

Канаданинг Норт-Ванкувер шаҳрида номаълум эркакнинг кутубхонадаги одамларга ҳужум қилиши оқибатида бир киши ҳалок бўлди, 6 киши яраланди.

Воқеа гувоҳларининг таъкидлашича, эркак узун пичоққа ўхшаш буюм билан қуролланган бўлган. У полиция томонидан қўлга олинган. 

Полицияда таъкидланишича, жиноятчи бир ўзи ҳаракат қилган. Ҳужум оқибатида бир аёл ҳалок бўлган.  

Жиноятчининг шахси очиқланмаяпти. Шуниси маълумки, у 20 ёшли йигит бўлиб, унинг ҳужум қилиши сабаблари аниқлаштирилмоқда. Полиция гувоҳлардан ҳуқуқ-тартибот идоралари билан боғланишни ва терговга ёрдам кўрсатишни сўраган.

Канада бош вазири Жастин Трюдо ҳалок бўлган аёлнинг яқинларига ҳамдардлик билдирган ва жароҳатланганларга тезроқ соғайиб кетишни тилаган.