Жаҳон | 16:48 / 31.03.2021
8122
1 дақиқада ўқилади

Еврокомиссия Польшани судга берди

Польшада суд тизимини ислоҳ қилиш тўғрисидаги қонун Еврокомиссия ва мухолифат танқидига учраганди.

Фото: EPA-EFE/OLIVIER HOSLET

Еврокомиссия судьялар ҳуқуқи ва суд тизими мустақиллиги тамойиллари бузилгани учун Польшани Европа адлия судига берди. Бу ҳақда адлия ишлари бўйича еврокомиссар Дидье Рейндерс маълум қилди.

"Еврокомиссия Польшада судьялар ҳуқуқи ва ҳуқуқий давлатни ҳимоя қилиш бўйича муҳим қарор қабул қилди, Европа адлия судига Польшага қарши даъво киритди", - деди у.

Польшада судьяларнинг сиёсий тусдаги ҳаракатлари учун интизомий жавобгарликка тортилишини кўзда тутувчи суд тизимини ислоҳ қилиш тўғрисидаги қонун Еврокомиссия ва мухолифат танқидига учраганди.

Польша олий суди мазкур ислоҳот Польшанинг Европа иттифоқидан чиқариб юборилишига олиб келиши мумкинлигини билдирди.

Мавзуга оид