«Effect.uz» сайти мухбирларига қўлланилган «қамоқ» эҳтиёт чораси муносиб хулқ-атворда бўлиш тўғрисида тилхатга ўзгартирилди

“Effect.uz” ахборот агентлигининг 2 нафар мухбирига илгари қўлланилган “қамоққа олиш” эҳтиёт чораси Сурхондарё вилояти прокуратураси томонидан “муносиб хулқ-атворда бўлиш тўғрисида тилхат” тарзидаги эҳтиёт чорасига ўзгартирилди, деб хабар бермоқда Ўзбекистон Республикаси Бош прокуратураси жамоатчилик билан алоқалар ва ҳуқуқий ахборот бўлими бошлиғи Ҳаётбек Шамсутдинов.

Аввалроқ, Effect.uz сайти ходимларига нисбатан Термиз туман прокуратураси томонидан Жиноят кодексининг 236 ва 219-моддалари билан жиноят иши қўзғатилгани ва сайтнинг 2 нафар мухбирига нисбатан суднинг ажрими билан сиртдан «қамоққа олиш» эҳтиёт чораси қўлланилгани хабар қилинганди.