АҚШ Вашингтондан 10 нафар россиялик дипломатни чиқариб юбормоқда

АҚШ Россиянинг Вашингтондаги дипломатик ваколатхонасида ишловчи 10 нафар ходимни ўз ҳудудидан чиқариб юбормоқда. Бу ҳақда Оқ уйда маълум қилинди.

Фото: Stephen Chung / globallookpress.com

«АҚШ ўз ҳудудидан Россиянинг Вашингтондаги дипломатик ваколатхонаси 10 ходимини чиқариб юбормоқда. Улар орасида Россия махсус хизматлари вакиллари бор», дейилган хабарда.

Аввалроқ АҚШ Вашингтон ва Нью-Йоркдаги россиялик дипломатларни ўз ҳудудидан чиқариб юбормоқчилиги маълум қилинган. Уларга АҚШ ҳудудини тарк этиш учун 30 кунлик муҳлат берилиши айтилган.

Бунгача Bloomberg ахборот агентлиги манбаларга таяниб, Вашингтон АҚШдаги сайловларга аралашув ва киберҳужумларга жавобан Россияга нисбатан санкциялар киритмоқчилигини маълум қилган.