«Миллий PR-маркази» директори Тошкент вилояти ҳокимига ўринбосар бўлди

Тошкент вилояти ҳокимининг туризм, спорт, маданият, маданий мерос ва оммавий коммуникациялар масалалари бўйича ўринбосари тайинланди. Бу ҳақда вилоят ҳокимлиги хабар берди.

Қайд этилишича, Жамшид Бобожонов Тошкент вилояти ҳокимининг туризм, спорт, маданият, маданий мерос ва оммавий коммуникациялар масалалари бўйича ўринбосари лавозимида иш бошлади.

Жамшид Бобожонов 1980 йил Тошкент шаҳрида туғилган. Маълумоти – олий, 2007 йилда Ўзбекистон миллий университетини тамомлаган. 

У лавозимга тайинлангунга қадар “Миллий PR-маркази” ДУК директори сифатида ишлаб келаётган эди.

Бундан олдин, Андижон вилояти ҳокимига ҳам ўринбосар тайинланганди.