Божхоначилар 420 гр «опий»ни ичига ютган ҳолда олиб ўтмоқчи бўлган шахсни қўлга олишди
Сурхондарё вилояти божхона бошқармаси ходимлари томонидан «Айритом» чегара-божхона постида гиёҳвандлик воситаларини ноқонуний равишда олиб кириш учун ўз ҳаётини хавфга қўйган шахс тўхтатиб қолинди.
Давлат божхона қўмитаси ахборот хизматининг Kun.uz’га маълум қилишича, мазкур постга пиёда равишда кириб келган қўшни давлат фуқароси М.А. инсон тана аъзоларини сканерлаш қурилмаси кўмагида кўздан кечирилганда, унинг организмида капсулалар мавжудлиги аниқланди.
Қайд этилишича, жиноятчи Термиз шаҳридаги тиббий муассасалардан биридаги шифохонада текширувдан ўтказилганда унинг ичидан 47 дона скотчланган ўрамлар чиқариб олинган.
Мазкур ўрамлар белгиланган тартибда очиб кўрилганда, улар ичида 423,42 грамм оғирликдаги «опий» ҳамда 17 дона оқ рангли таблеткалар жойлангани маълум бўлди.
Ҳозирда мазкур ҳолат юзасидан терговга қадар текширув ҳаракатлари олиб борилмоқда.
Мавзуга оид
19:37 / 25.09.2024
Шўрчи тумани ҳокими ўзгарди
17:09 / 24.09.2024
“Ҳамма фермер имзо қўйиб бериши керак” — пахта етиштирувчилар нархни туширишга мажбурланмоқда
14:28 / 18.09.2024
“Водород сулфиди юқори концентрацияда сизиб чиқиши кузатилмади” – Эковазирлик
13:34 / 18.09.2024