Қарши шаҳрининг собиқ вақтинча ҳокими ҳокимликда иш бошлади

Пўлатов Жаҳонгир Зокирович жорий йилнинг январь ойида тажриба сифатида Қарши шаҳар ҳокими вазифасини вақтинча бажарувчи этиб тайинланганди.

 Қашқадарё вилоят ҳокимлиги ахборот хизматининг хабар беришича, Жаҳонгир Пўлатов - Қарши шаҳар ҳокимининг саноатни ривожлантириш, капитал қурилиш, коммуникациялар ва коммунал хўжалик масалалари бўйича ўринбосари етакчи мутахассиси этиб тайинланган.

Жаҳонгир Пўлатов шу пайтгача Қарши шаҳридаги «Albamax» МЧЖ ижрочи директори вазифасида ишлаб келаётган эди.

Маълумот учун, аввалроқ январь ойида 10 кун давомида Шаҳрисабз шаҳри ҳокими вазифасини вақтинча бажарган Сабрина Турсунова ҳам раҳбарлик лавозимига тайинланганди.