ЕИнинг Венгриядан ташқари барча мамлакатлари Исроил ва Фаластинни ўт очишни тўхтатишга чақирди

Евроиттифоқнинг 27 мамлакатидан 26таси ташқи ишлар вазирлари Яқин Шарқ ихтилофидаги томонларни ўт очишни тўхтатишга чақирди. Бу ҳақда Евроиттифоқ дипломатияси раҳбари Жозеп Боррел маълум қилди.

«Мен 27 мамлакатдан 26таси мунозараларнинг умумий маъносини қўллаб-қувватлаганини маълум қилишдан мамнунман. Ҳозирда устуворлик ўт очишни зудлик билан тўхтатиш, аҳолини ҳимоя қилиш ва гуманитар ёрдам», – деди у.

ТАСС манбасининг сўзларига кўра, ЕИ хулосасига қўшилмаган мамлакат Венгриядир. Будапешт нима учун бундай қарорга келганига аниқлик киритилмаган.

Фаластин ва Исроил ўртасидаги ракета отишмалари 10 майдан буён давом этмоқда. Охирги маълумотларга кўра, Исроил томондан камида 10 киши ҳалок бўлган, юзлаб кишилар жароҳатланган. Фаластин томони 200дан ортиқ киши ҳалок бўлгани ва 6 мингга яқин киши яраланганини маълум қилди.