ЕИ мамлакатлари коронавирусга қарши эмланган туристларнинг иттифоқ ҳудудига киришига рухсат беришга келишиб олди

Евроиттифоқ давлатлари коронавирусга қарши эмланган туристларнинг иттифоқ ҳудудига киришига рухсат беришга келишиб олди. Бу ҳақда Agence France-Presse (AFP) агентлиги хабар берди.

Агентликнинг аниқлик киритишича, ҳозирча гап Европа дори воситалари агентлиги маъқуллаган вакциналар билан эмланиш ҳақида бормоқда. 

Чегараларни очиш ва эмлаш тўғрисидаги сертификатлар мавзуси Евроиттифоқ давлат ва ҳукумат раҳбарларининг 25 май куни ўтказиладиган саммитида муҳокама қилиниши кутилмоқда. 

 ЕИ мамлакатлари мартдан буён Евроиттифоқнинг барча мамлакатларида тан олинадиган сертификатни жорий этиш ғоясини муҳокама қилмоқда.