Ўндан ортиқ арман аскарлари озарбойжонлик ҳарбийлар билан муштлашувдан сўнг шифохонага ётқизилди

Ўндан ортиқ арманистонлик ҳарбийлар республика ҳудудига ўтган озарбойжонлик ҳарбийлар билан муштлашувдан сўнг шифохонага ётқизилди.

"20 май куни Сюник областидаги Қора кўл ҳудудида содир бўлган муштлашув оқибатида жароҳатланганлар бор, улар ўрта ва оғир аҳволда шифохонага ётқизилди", - деб хабар берди Интерфакс Арманистон мудофаа вазирлигига таяниб.

Арманистон оммавий ахборот воситаларининг хабар беришича, 11 нафар арман аскарлари шифохонага ётқизилган.

12-13 май кунлари Озарбойжон армияси бўлинмалари Сюник ва Гегаркуник областларидан Арманистон ҳудудига киргани хабар қилинди. Арманистон бу масала бўйича коллектив хавфсизлик шартномаси ташкилотига мурожаат қилган.

Тайёрлаган Дилшод Аскаров

#Арманистон #Озарбойжон

13 май куни Озарбойжон ҳарбийлари Варденис (Гегаргуник области) ва Сисиан (Сюник области) шаҳарлари яқинидаги чегара орқали Арманистонга киришга уринган.