Давлат статистика қўмитаси маълумотларига кўра, 2021 йилнинг январ-апрел ойларида Ўзбекистонга хориждан 156та электромобил импорт қилинган. Бу кўрсаткич ўтган йилнинг мос даврига нисбатан 138тага кўп.
Фото: Reuters
Қайд этилишича, 2021 йилнинг апрел ойида 65та электромобил импорт қилинган.
2021 йилнинг январ-апрел ойларида Ўзбекистон электромобилларни импорт қилган давлатлар қуйидагича кўриниш олди:
- Хитой – 119та;
- Туркия – 24та;
- Корея – 4та;
- АҚШ – 4та;
- Германия – 3та;
- Литва – 1та;
- Испания – 1та.
2021 йилнинг январ-апрел ойларида электромобил импорт қилган ҳудудлар қуйидагича кўриниш олди:
- Тошкент шаҳри – 150та;
- Самарқанд вилояти – 2та;
- Андижон вилояти – 2та;
- Тошкент вилояти – 1та;
- Сирдарё вилояти – 1та.
Сўнгги йилларда импорт қилинган электромобиллар сони:
- 2018 йилда – 13та;
- 2019 йилда – 39та;
- 2020 йилда – 131та.
Маълумот учун, 2021 йилнинг январ-апрел ойларида импорт қилинган электромобиллар учун 3,4 миллион АҚШ доллари сарфланган.
