Ню-Деҳлида 200га яқин кишида "қора моғор" аниқланди
Маҳаллий ОАВнинг ёзишича, Ҳиндистонда мукормикозга чалинганлар сони камида 7250 нафарга етган.
Ҳиндистон пойтахтида 200га яқин кишида мукормикоз ("қора моғор") аниқланди. Бу ҳақда Деҳли пойтахт округи соғлиқни сақлаш вазири Сатьендар Жайн маълум қилди.
"Шаҳарда 197та "қора моғор"га чалиниш ҳолати қайд этилди. Авваллари бир йилда 30-50та ана шундай ҳолат аниқланарди, эндиликда уларнинг сони кескин ўсди", - деди Жайн.
Унинг сўзларига кўра, 10га яқин хусусий клиника ва учта давлат шифохонасида "қора моғор"га чалинган беморлар даволанмоқда.
У мукормикоздан даволаш учун дорилар етишмаётганини айтди.
"Тақчиллик бутун мамлакат бўйлаб кузатилмоқда, Деҳли ҳам бу муаммога дуч келган", - деди вазир.
Мукормикозга чалиниш ҳолатлари Ню-Деҳлида, Ражастон, Телангана, Махараштра, Карнатака, Уттаракханд, Мадхя-Прадеш, Андхра-Прадеш ва Биха штатларида қайд этилган. Маҳаллий ОАВнинг ёзишича, Ҳиндистонда мукормикозга чалинганлар сони камида 7250 нафарга етган.
Аввалроқ Ражастон ва Телангана штатларида мукормикоз эпидемияси эълон қилинганди.
Мавзуга оид
20:18 / 21.10.2024
Ҳиндистон ва Хитой чегарадаги кескинликни юмшатишга келишиб олди
13:50 / 21.10.2024
Ҳиндистон Ўзбекистон ОТМда онлайн смарт-аудиторияларни ташкил этиши мумкин
19:20 / 17.10.2024
Бангладеш халқаро трибунали собиқ бош вазир Ҳасинани ҳибсга олишга ордер берди
14:47 / 14.10.2024