Xiaomi АҚШ «қора рўйхати»дан чиқарилди
Колумбия округи судининг якуний қарори билан Xiaomi компаниясига нисбатан киритилган чекловлар расман олиб ташланган.
АҚШ суди Пентагоннинг Xiaomi компаниясини «Хитой ҳарбий корхоналари» рўйхатига киритиш тўғрисидаги қарорини асоссиз деб топди.
Хабар қилинишича, Колумбия округи судининг якуний қарори билан Xiaomi компаниясига нисбатан киритилган чекловлар расман олиб ташланган.
Ўтган йил ноябрда АҚШ президенти Дональд Трамп Америка компаниялари ва хусусий инвесторларига Хитойнинг 30дан ортиқ компанияси акцияларига эгалик қилишни тақиқловчи фармонни имзолаганди. Шу йилнинг январида Хитойнинг яна саккиз компанияси билан бирга Xiaomi ҳам рўйхатга киритилган.
Март ойида Xiaomi Пентагон тузган ушбу рўйхатдан чиқарилиш бўйича суд қарорига эришди. Вашингтон округ суди АҚШ мудофаа вазирлигининг компанияга нисбатан қарорини «қўпол хато» деб топди ва қарор ижросини вақтинча тўхтатиб қўйди.
Xiaomi 2010 йилда ташкил этилган ва смартфон ишлаб чиқариш бўйича дунёнинг энг йирик тўрт компаниясидан бири ҳисобланади.
Мавзуга оид
01:15
АҚШ тез орада Хитойдаги сунъий интеллект технологияларига инвестиция киритишни чеклайди
11:20 / 21.10.2024
АҚШ Исроилнинг Эронга зарбага тайёрланаётгани ҳақидаги маълумот сизиб чиққанини текширмоқда
18:45 / 20.10.2024
Маск АҚШ президентлик сайловига қадар кунига 1 млн долларлик лотереяни эълон қилди
14:21 / 20.10.2024