Нигерияда 200га яқин ўқувчи ўғирлаб кетилди

Нигерияда қуролланган жиноятчилар Нигер штатининг Тегина шаҳридаги мактаб-интернатга ҳужум қилиб, у ердан 200га яқин ўқувчини ўғирлаб кетди. Ҳукумат ўғирланган ўқувчилар аниқ сонини маълум қилмаган.      

Маҳаллий аҳолининг таъкидлашича, жиноятчилар куннинг иккинчи ярмида шаҳарга келиб, отишма бошлаган. Бунинг оқибатида бир киши ҳалок бўлган, яна бир киши оғир жароҳат олган. Мактаб раҳбарларидан бирининг таъкидлашича, жиноятчилар 100дан кўпроқ болани олиб кетган, бироқ кўп ўтмай 4 ёшдан 12 ёшгача бўлган болаларни ортга қайтариб юборган. 

Нигерияда охирги ойларда эваз пули олиш мақсадида олий таълим муассасалари ва мактабларга ҳужум қилиш ҳолатлари кўп содир этилмоқда. Маълумотларга кўра, мамлакатда 2020 йил декабридан бери 730 ўқувчи ва талаба ўғирлаб кетилган. Шу сабабли Нигерия шимолида март ойидан бери 600дан кўпроқ мактаб ёпилган. Уларда таълим олган ўқувчилар хавфсизроқ ҳудудлардаги мактабларга кўчирилган.

Навбатдаги ҳужум 14 талаба 40 кун асирликда ушлаб турилиб, озод қилингандан бир кун ўтиб содир этилган. Маҳаллий ОАВнинг таъкидлашича, талабалар озод этилиши учун пул тўланган. Баъзи талабалар қатл этилган.