Қозоғистон пойтахтида коронавирусга қарши эмланганларга совғалар таклиф қилинмоқда

Эмланган фуқаролар савдо марказларидан бири ўтказаётган ютуқли ўйинда қатнашиб, маиший техника, электроника ва бошқа совғаларни қўлга киритиши мумкин.

Фото: astana.gov.kz

Қозоғистон пойтахти Нур-Султон шаҳридаги савдо марказлари ва уйларида коронавирусга қарши эмланганларга совғалар берилмоқда. Бу ҳақда Нур-Султон шаҳри ҳокимлиги сайти хабар қилди.

Хабарда айтилишича, эмланган фуқаролар савдо марказларидан бири ўтказаётган ютуқли ўйинда қатнашиб, маиший техника, электроника ва бошқа совғаларни қўлга киритиши мумкин.

Яна бир савдо марказида эса эмланганларни рағбатлантириш мақсадида чегирмали купонлар тарқатилмоқда.

Маълумотларга кўра, Қозоғистон пойтахтида коронавирусга қарши эмлаш бўйича 100дан ортиқ пунктлар очилган. Пунктлар биринчи тиббий ёрдам марказлари ҳамда йирик савдо марказларида жойлашган.