Самарқандда вагондан руда тошларини ўғирлаётган шахсга жиноий иш қўзғатилди

Самарқанд вилояти Пахтачи туманида вагондан руда тошларини ўғирлаётган шахс ИИБ ходимига қаршилик кўрсатиб, унга жароҳат етказган. Бу ҳақда вилоят ИИБ ахборот хизмати хабар бермоқда.

Маълум қилинишича, 2021 йил 24 июнь куни Пахтачи тумани Зиёвуддин шаҳарчасида яшовчи, 1991 йилда туғилган А.О. «Зиёвуддин» темир йўл бекатида юк вагонига чиқиб, руда тошларини ўғирлаётганда, ҳолатни шу ерда хизмат олиб бораётган кичик сержант К.Расулов кўриб қолиб, А.О.ни тўхтатган.

Шундан сўнг А.О. ИИБ ходимига фаол қаршилик кўрсатиб, кичик сержант К.Расуловга тан жароҳати етказган.

Қайд этилишича, ҳолат юзасидан А.О.га нисбатан Жиноят кодексининг 219-моддаси 2-қисми билан жиноят иши қўзғатилган. Ҳуқуқбузар Жиноят-процессуал кодекснинг 221-моддаси тартибида ушланган.

Суриштирув давомида мазкур шахс муқаддам Жиноят кодексининг 140-моддаси 1-қисми, 277-моддаси 1-қисми ва 109-моддаси 1-қисми билан судлангани аниқланган.