Шимолий Кореяда Ким Чен Иннинг озиб кетганидан хавотирланишмоқда

Шимолий Корея фуқаролари мамлакат етакчиси Ким Чен Ин ориқлаб кетганидан хавотирланишмоқда.

Associated Press ахборот агентлигининг таъкидлашича, Ким Чен Иннинг охирги суратларида у анча вазн ташлаганини кўриш мумкин. Шимолий Корея етакчисининг бўйи 170 смни ташкил қилади ва аввалроқ у 140 кггача вазнга эга бўлган. Бироқ янги суратларда уни анча ориқ ҳолда кўриш мумкин.

Шимолий Корея матбуоти озиб кетган Ким Чен Инга бағишланган мақола ва телевидениеда кўрсатувлар тайёрлаган. 

«Бош котибимизнинг бемадор кўриниши юрагимизни ларзага солмоқда. Барча бундан кўзига ёш келганини айтмоқда», дейилган кўрсатувлардан бирида.

Бу орада таҳлилчиларнинг фикрича, бундай кўрсатувлар Шимолий Корея ҳукумати Ким Чен Иннинг ориқлаб кетганини мамлакат учун ҳозирги оғир даврда унинг нуфузини оширишда қўллашга уринаётганидан дарак беради.

«Пхеньян Ким Чен Ин ўз фуқаролари учун кам овқатланиб, ориқлаб кетадиган даражада астойдил меҳнат қилаётганини кўрсатмоқчи бўлмоқда. Шунингдек, тузум дунё шимолий кореяликлар ҳам ўз етакчиси ҳақида қайғуриши ва унинг ориқлаб кетганидан дили вайрондек ўйлашини истамоқчи», деб таъкидлашмоқда таҳлилчилар.

Сеуллик бошқа таҳлилчилар Ким Чен Ин шунчаки соғлиғини жойига келтириш мақсадида вазн ташлаш учун парҳезга амал қилаётган бўлиши мумкинлигини айтишмоқда.