Жанубий Корея қуролли кучларида коронавирус билан оммавий касалланиш юз берди
Жанубий Корея қуролли кучлари қароқчиларга қарши курашиш бўлинмаси “Чхонхэ”нинг 301 ҳарбийсидан 247 нафарида коронавирус аниқланди. Африкада хизмат ўтаётган ҳарбийларни 20 июлда эвакуация қилиш режалаштирилган. Ушбу оммавий касалланиш мамлакат қуролли кучларида энг йириги бўлди.
“Чхонхэ” ҳарбийлари орасидаги илк 6та касалланиш ҳолати ўтган ҳафта қайд қилинган. 19 июлга келиб бир кун ичида 179 ҳарбийда коронавирус аниқланган. Ҳарбийларни коронавирусга текшириш натижалари бўйича манфий тест 50 кишидагина қайд этилган. Яна 4 ҳарбий биоматериалларини таҳлил қилишнинг иложи бўлмаган.
Бўлинма Сомали соҳиллари яқинида Адан кўрфазида ва Ҳўрмуз бўғози яқинида қароқчиликка қарши миссия доирасида ишлайди. Ҳарбийлар ҳар ярим йилда алмашади. Коронавирус тарқалиши сабабли навбатдаги қўшин 2009 йилдан бери биринчи марта муддатдан олдин навбатчиликни қабул қилади. Жанубий Корея мудофаа вазирлигининг таъкидлашича, янги отряднинг барча аъзолари коронавирусга қарши эмланган.
Мавзуга оид
08:50 / 17.10.2024
КХДР Жанубий Корея билан бирлашишни расман рад этди
22:39 / 16.10.2024
КХДР матбуоти армияга қўшилиш учун 1,4 миллион ариза тушганини хабар қилди
16:19 / 15.10.2024
Шимолий Корея Жанубий Корея билан чегарадаги йўлларни портлатиб юборди
22:41 / 13.10.2024