Россия ташқи ишлар вазирлиги толибларнинг Марказий Осиё мамлакатларига хавфини баҳолади

«Толибон» ҳаракати жангарилари яқин истиқболда Марказий Осиё мамлакатлари учун хавф туғдирмайди. Бу ҳақда Россия ташқи ишлар вазирлиги вакили Замир Кабулов маълум қилди, деб ёзади «Коммерсантъ».

Дипломат толиблар орасидаги радикал кайфият даражасига баҳо берди.

«Баҳолашимизга кўра, ҳаракат вакилларининг учдан икки қисми, жумладан, юқори раҳбарият афғон инқирози сиёсий ечим топишини истайди», — деди у.

Кабуловнинг сўзларига кўра, «Толибон» вакиллари доимий низолардан чарчаган.

Унинг хулоса қилишича, жангариларнинг ёш авлоди ватан туйғуси йўқлиги сабабли радикаллашиб кетган.