ЖССТ хорижга чиқаётганлар учун мажбурий вакцинация талаби қўйилишига қарши чиқди

ЖССТ вакилининг таъкидлашича, ҳозирча дунёда вакцина тенг равишда тақсимланмаган экан, эмланиш имкониятига эга бўлмаганларга нисбатан «яна бир дискриминация моддаси»ни қўшиш керак эмас.

Фото: DPA

Жаҳон соғлиқни сақлаш ташкилоти расмий вакили Тарик Яшаревич хорижга чиқишда коронавирусга қарши мажбурий эмланиш талаби қўйилмаслиги кераклигини айтди, деб хабар бермоқда ТАСС.

Яшаревичнинг таъкидлашича, ҳозирча дунёда вакцина тенг равишда тақсимланмаган экан, эмланиш имкониятига эга бўлмаганларга нисбатан «яна бир дискриминация моддаси»ни қўшиш керак эмас.

«ЖССТ бошидаёқ айтган: вакцинация халқаро сафарлар учун шарт бўлиши керак деб ҳисобламаймиз», — деди Яшаревич.

Унинг қўшимча қилишича, ташкилот вакциналарнинг рақамли сертификацияси жорий қилинишини қўллаб-қувватлайди.

Ҳозирда аксарият мамлакатларга кириш учун коронавирусга қарши эмланганлик ёки ПЗР-тест натижаси манфийлиги тўғрисидаги ҳужжатни кўрсатиш талаб қилинмоқда.