Туркия ғарбида юз берган йўл-транспорт ҳодисасида 14 киши ҳалок бўлди

Туркия ғарбидаги Балиқасир шаҳри яқинида йўловчи автобуси иштирокида юз берган йўл-транспорт ҳодисасида 14 киши ҳалок бўлди ва яна 18 киши жароҳат олди.

Фото: Getty Images

Маълум қилинишича, Балиқасир-Эдремит рейсини амалга оширган автобус соат 4.40да бошқарувни йўқотиб, ағдарилиб кетган. Бунинг натижасида 11 киши воқеа жойида, 3 киши эса шифохонада жон берган. 18 киши жароҳат олиб, 5та шифохонага етказилган.

Таъкидланишича, бу Туркияда охирги 2 кун ичида автобус иштирокида юз берган иккинчи йирик автоҳалокатдир. 7 августда Маниса вилоятида юз берган йўл-транспорт ҳодисасида 9 киши ҳалок бўлган.