Жиззах вилояти Зомин тумани ҳудудида «Зил-138» юк машинаси билан тўқнашиши оқибатида «Nexia» тўлиқ ёниб кетди. Бу ҳақда вилоят ИИБ томонидан маълум қилинди.
Жиззах вилояти Зомин тумани ҳудудидан ўтган Қўқон – Жиззах А- 376 йўлининг 256- километрида «Nexia» «Зил-138» юк машинаси билан тўқнашган. Оқибатда туманнинг Бешюз қишлоқ фуқаролар йиғинида истиқомат қилган Б.Ў. бошқарувидаги «Nexia» тўлиқ ёниб кетди. Ҳайдовчини автоуловдан чиқариб олишнинг иложи бўлмаган ва у воқеа жойида ҳаётдан кўз юмди.
Кўнгилсиз ҳодисага ҳайдовчининг ухлаб қолиши натижасида «Nexia»нинг «Зил-138» йўлига чиқиб кетиши сабаб бўлгани билдирилмоқда. Ҳолат юзасидан жиноят иши қўзғатилди.
Аввалроқ, Жиззах вилоятида содир бўлган йўл транспорт ҳодисаларининг 33 таси ҳайдовчиларнинг ухлаб қолиши туфайли юз бергани маълум қилинган эди.
