Тошкентда ерости йўлаги шифтининг бир қисми ўпирилиб тушди
Метронинг “Буюк ипак йўли” бекатига кириш йўлагида шифт қопламасининг бир қисми қулаб тушди. Ҳеч кимга шикаст етмаган. ФВВ ҳодиса сабабини маълум қилди.
Тошкент метросининг “Буюк ипак йўли” бекатига олиб тушувчи ерости йўлакларидан бирида шифт қопламасининг бир қисми қулаб тушди, деб маълум қилди Фавқулодда вазиятлар вазирлиги ахборот хизмати.
12 август куни соат тахминан 14:30да рўй берган ҳодисада йўлак шифтига ўрнатилган композит панел (алюкобонд) ўпирилиб тушган.
Жабрланувчилар йўқлиги маълум қилинди.
“Кейинчалик маълум бўлишича, конструкциянинг бир қисми ерости ўтиш йўлаги устида жойлашган чимни суғориш натижасида тўпланган сувнинг оғирлиги туфайли қулаб тушган.
Қулаш жиддий оқибатларни келтириб чиқармаган. Бир неча дақиқа давомида ҳодиса жойи шифт бўлакларидан тозаланган”, – дейилади Фавқулодда вазиятлар вазирлиги ахборотида.
Мавзуга оид
18:53 / 15.10.2024
Тошкентда нарколабораториядан 1 млн долларлик синтетик гиёҳвандлик моддалари топилди
12:39 / 15.10.2024
Ноябрнинг 4-кунида Самарқанд—Тошкент—Самарқанд йўналишида қўшимча электропоезд қатнови йўлга қўйилади
08:00 / 15.10.2024
Тошкентда ўзгаларнинг автомобилларини олиб қочган шахслар ушланди
18:35 / 13.10.2024