Дунё авиакомпаниялари Афғонистонни четлаб уча бошлади

Фото: Reuters

Дунёнинг баъзи авиакомпаниялари Афғонистондаги кескин вазият сабабли ушбу мамлакат устидан парвозларни тўхтатишга ва ўз рейслари йўналишларини ўзгартиришга қарор қилди.

Жумладан, Британиянинг British Airways компанияси ўз учувчиларига Афғонистон устидан учмасликни буюрган.

Нидерландиянинг KLM авиакомпанияси ҳам шундай қарор қилиб, Нидерландиядан Осиёга, жумладан Деҳли ва Бангкокка учувчи йўловчиларни йўналишлар ўзгаргани сабабли парвоз узоқроқ давом этишидан огоҳлантирган.

ОАВнинг таъкидлашича, кўплаб авиакомпаниялар Осиёга парвозларни амалга оширишда Афғонистон ҳудудидан фаол фойдалангани учун бошқа компаниялар ҳам шундай чекловлар қабул қилиши мумкин.