Эрон президенти АҚШнинг Афғонистондан кетиши бу мамлакатда тинчлик ўрнатилишига имкон беришини айтди

Иброҳим Раисийнинг сўзларига кўра, «Теҳрон Афғонистон учун биринчи навбатда зарур бўлган барқарорлик мустаҳкамланиши учун ҳаракат қилади».

Фото: Reuters

Америка кучларининг Афғонистондан кетиши афғон ерида мустаҳкам тинчликка эришиш имконини беради. Бу ҳақда Эрон президенти Иброҳим Раисий айтди.

«АҚШнинг ҳарбий мағлубияти ва Афғонистонни тарк этиши бу мамлакатда ҳаёт, хавфсизлик тикланиши ва мустаҳкам тинчлик ўрнатилишига имкон беради», — дея унинг сўзларидан иқтибос келтирди Mehr агентлиги.

Раисийнинг сўзларига кўра, «Теҳрон Афғонистон учун биринчи навбатда зарур бўлган барқарорлик мустаҳкамланиши учун ҳаракат қилади».

15 август куни «Толибон» ҳаракати жангарилари Кобулга кирди ва ҳокимиятни эгаллади. Афғонистон президенти Ашраф Ғани мамлакатни тарк этди.

#Эрон #Афғонистон