Сенат судьяликка тайинловлар шаффофлигини таъминлашга қаратилган қонунни маъқуллади

Сенатнинг 18-ялпи мажлисида “Ўзбекистон Республикаси Судьялар олий кенгаши тўғрисида”ги қонунга ўзгартиш ва қўшимчалар киритиш ҳақидаги қонун сенаторлар томонидан маъқулланди.

Фото: Depositphotos

Суд тизимини либераллаштириш, коррупцияга қарши курашиш ва унинг мустақиллигини таъминлашга қаратилган мазкур қонунда қуйидаги асосий ўзгартиш ва қўшимчалар назарда тутилмоқда:

бўш судьялик лавозимларига номзодларнинг танлов жараёнларини Интернет жаҳон ахборот тармоғи орқали ёритиб бориш;

судья фаолиятининг самарадорлигини электрон рейтинг орқали очиқ ва шаффоф баҳолашни таъминлайдиган аниқ мезонларни ишлаб чиқиш ва амалиётга татбиқ этиш;

судьялар олий кенгаши раисининг ўринбосари ваколатларини кенгайтириш.

Маълумот учун, президентнинг 2020 йил 7 декабрдаги ПФ-6127-сон фармонида ҳам суд тизимида коррупция ҳолатларининг олдини олиш, очиқлик ва шаффофликни таъминлаш борасидаги вазифалар белгилаб берилганди.