Зеленский Байден билан музокаралар ўтказиш учун Вашингтонга етиб келди
Украина президенти Владимир Зеленский америкалик ҳамкасби Жо Байден билан музокаралар ўтказгани АҚШ пойтахти Вашингтонга етиб келди. Бу ҳақда 30 август кечки пайт Зеленскийнинг ўзи маълум қилди.
Украина раҳбари рафиқаси билан самолётдан тушаётган суратини илова қилган. “Вашингтонга Жо Байден таклифи билан келдик. Олдинда Украина ва АҚШ стратегик шериклиги масалаларининг муҳокамаси турибди”, деб ёзган Зеленский.
У америкалик ҳамкасби билан учрашув сермазмун ўтишига умид билдирган.
Аввалроқ, 30 август куни Украинанинг собиқ президенти Пётр Порошенко Зеленскийга Байден билан суҳбат чоғида “овозини баландлатмасликни” тавсия қилган.
29 августда Оқ уй Украина ва АҚШ етакчиларининг учрашуви 1 сентябрга кўчирилганини маълум қилганди.
Аввалроқ, Украина ташқи ишлар вазири Дмитрий Кулеба Зеленский ва Байден ўзаро учрашув чоғида Донбасс ва Қрим яримороли ҳамда Украина иқтисодиёти билан боғлиқ муаммоларни муҳокама қилишини маълум қилганди.
Ўз навбатида, Оқ уй матбуот котиби Жен Псаки Зеленскийнинг АҚШга ташрифи Вашингтоннинг Украина суверенитети ва ҳудудий яхлитлигини қўллаб-қувватлашининг яна бир тасдиғи бўлишини айтганди.
Мавзуга оид
12:30 / 14.10.2024
ОАВ: Байден 18 октябр куни Берлинга келади
09:49 / 14.10.2024
«Уруш ҳаракати»: Байден Эронни Трампга суиқасд оқибатлари ҳақида огоҳлантирди
09:20 / 14.10.2024
Зеленский украин қуролларини ишлаб чиқаришни кенгайтириш ниятида
09:00 / 14.10.2024