«Ўзбекинвест» экспорт-импорт суғурта компанияси акциядорлик жамияти: мустақил Ўзбекистонда 27 йиллик фаолият

«Ўзбекинвест» компанияси барча 17 та суғурта класслари бўйича фаолият юритувчи универсал суғурта компанияси бўлиб, жисмоний ва юридик шахслар учун суғурта хизматларининг кенг спектрини тақдим этиб келмоқда.

Тадбиркорлар ва экспортчиларга суғурта ёрдамини доимий равишда таъминлаш орқали, компания маҳаллий бизнеснинг халқаро товар ва хизматлар бозорларида рақобатбардошлигини қўллаб-қувватлаб, импорт ўрнини босувчи инновацион ишлаб чиқаришларни ташкил этиш, Ўзбекистон иқтисодиётига инвестицияларни жалб этиш, шунингдек, янги иш ўринлари яратиш имконини бермоқда.

«Ўзбекинвест» компаниясининг мустақиллик йилларидаги тарихи фаол суғурта фаолиятининг бошланиши, халқаро суғурта бозорига кириш, юқори обрў-эътиборга эришиш, молиявий барқарорлик ва тўлов қобилиятини тасдиқлаш даврларини ўз ичига олади.

Жумладан, 1997 йилнинг октябр ойида «Ўзбекинвест» Берн Иттифоқи – 70 дан ортиқ мамлакатнинг 82 та ташкилотини бирлаштирган Халқаро Кредит-Инвестиция Суғурта Агентликлари Уюшмаси – «International Union of Credit and Investment Insurers»нинг тўлақонли аъзоси бўлди.

2004 йил декабрь ойида «Ўзбекинвест» сифат менежменти тизимининг ISO-9001 халқаро стандартига мувофиқлигини тасдиқловчи Ўзбекистон молия бозорининг биринчи компанияси бўлди.

2009 йилнинг январ ойида, компания халқаро рейтинг агентлиги «Moody's Investors Services Ltd»дан халқаро молиявий барқарорлик рейтингига эга бўлган биринчи ташкилот бўлди.

Бу ютуқларнинг барчаси компания томонидан суғурта бизнесининг дунё етакчилари томонидан ишонч ва эътирофини оширди, кейинчалик тижорат таваккалчиликларини қайта суғурталаш бўйича трансмиллий, деб эътироф қилинган “Allianz SE” (Германия), “Zurich Insurance Group” (Швейцария), “Tokio Marine & Nichido Fire Insurance Co” (Япония), “AXA” (Франция), “People Insurance Company of China” (Хитой), “Korean Reinsurance Company” (Корея), «Согаз» ва «Ингосстрах» (Россия), “Marsh” (АҚШ), “AON” ва “UIB” (Буюк Британия) каби глобал суғурта ва қайта суғурталаш компаниялари ҳамда брокерлари билан тизимли ҳамкорлик йўлга қўйилди.

Компания фаолиятининг ривожланишига янги суръат бағишлаган тамойиллардан бири Ўзбекистон Республикаси Президенти Ш.Мирзиёев томонидан 2017 йилда давлат ва жамият ҳаётининг барча соҳаларини, шу жумладан, иқтисодиёт ва молия соҳаларини жадал ривожлантиришни таъминлаган иқтисодиётни ислоҳ қилиш бўйича кенг кўламли дастурнинг амалга оширилиши бўлди.

2017 йил декабрь ойида «Ўзбекинвест» компанияси 40 дан ортиқ суғурта ва қайта суғурта компанияларини бирлаштирувчи Уммон Иттифоқининг тўлақонли аъзосига айланди.

Шуни таъкидлаш керакки, ўтган йилдаги коронавирус COVID-19 туфайли давом этаётган пандемия, дунёнинг деярли барча мамлакатларидаги иқтисодий ва ижтимоий чекловлар юзага келиши ва иқтисодиётнинг айрим соҳаларининг беқарор ишлашига қарамай, компания учун 2020 йил муваффақиятли йил бўлди, компания янги ютуқларга эришди ва етакчилик мавқейини мустаҳкамлади.

Хусусан, 2020 йилда «Ўзбекинвест» компанияси «барқарор» прогнози билан “AM Best Company” халқаро рейтинг агентлигининг (АҚШ) молиявий барқарорлик рейтингини олган миллий молия бозорининг биринчи компанияси бўлди.

Ушбу янгиликлар туфайли компания 2020 йил якунларига кўра 262,9 млрд сўмлик суғурта мукофотларининг ялпи йиғилишини таъминлаб, миллий суғурта бозорида етакчиликни мустаҳкамлади.

Яқин келажакда компания томонидан стратегик вазифалар мажмуасини амалга ошириш, жумладан, маҳаллий маҳсулотларнинг хорижий мамлакатларга экспортини суғурталаш сиёсатини давом эттириш, хорижий ва маҳаллий инвесторлар ва кичик бизнес ва хусусий тадбиркорлик вакилларини турли таваккалчиликлардан суғурталаш бўйича изчил ишлар давом эттирилади, бу эса ўз навбатида Ўзбекистоннинг халқаро товар ва хизматлар бозорларида барқарор мавқейига, экспорт кўрсаткичларининг барқарор ўсишига, шунингдек, миллий иқтисодиётнинг самарали ривожланишига ва ўсишига ижобий таъсир кўрсатади.

«Ўзбекинвест» ЭИСК АЖ Матбуот хизмати