Қўшимча функционаллар
-
Тунги кўриниш
Италиялик учувчи дунёда биринчи бўлиб автомобил туннелидан учиб ўтди
Италиялик учувчи Дарио Коста дунёда биринчи бўлиб иккита автомобил туннели орқали учиб ўтди. Бу ҳақда ушбу трюкка ҳомийлик қилган Red Bull компанияси маълум қилди.
Фото: Red Bull
“Дарио Коста иккита туннел орқали самолётда учиб ўтган биринчи инсон бўлди. Гапиришга тил ожиз”, деб маълум қилинган компания хабарида.
Коста рекорд парвозини Истанбулдаги Чаталжа қўш туннелида бир моторли Zivko Edge 540 самолётида амалга оширган. Иккита туннел орқали учиб ўтишга 43,5 сония вақт кетган. Бунда самолётнинг максимал тезлиги 245 км/соатга етган.
“Дастлаб ҳаммаси тез юз бераётгандек туюлди. Бироқ биринчи туннелдан чиққанимдан кейин самолёт шамол сабабли ўнгга кета бошлади ва шу лаҳзада миямда барчаси секинлашди. Самолётни иккинчи туннелга киритиш учун уни тўғри йўналишга қайтаришга эътиборни қаратдим. Шундан кейин миямда барчаси яна тезлашиб кетди”, деб журналистлар билан бўлишган ўз таассуротлари билан учувчи.
Коста ушбу парвози давомида бир нечта рекорд ўрнатди: самолётда туннел орқали амалга оширилган илк парвоз, самолётда учиб ўтилган энг узун туннел (1610 метр), иккита туннел орқали амалга оширилган биринчи парвоз.
Мавзуга оид
18:57 / 04.12.2024
Анталяда ёнган Superjet: инқирозга юз тутган Россия авиасаноати
14:11 / 29.11.2024
Варшавада самолётда учишга рухсат берилмаган ўзбекистонлик фуқарога ёрдам кўрсатилди
14:01 / 15.11.2024
Лавров самолётига хорижда ёнилғи қуйишдан бош тортишаётганидан шикоят қилди
21:10 / 10.11.2024