Трамп 2024 йилдаги президентлик сайловида қатнашиши мумкинлигини айтди
Аввалроқ Доналд Трамп Жо Байден билан бокс қоидалари бўйича жанг ўтказиш истагини билдирганди.
АҚШ собиқ президенти Доналд Трамп мамлакатдаги ҳозирги вазият унга 2024 йилда бўлиб ўтадиган президентлик сайловида қатнашишдан бошқа йўл қолдирмаётганини айтди.
«Борган сари бундан бошқа йўлимиз қолмаяпти», — деди у Fox News телеканалига берган интервьюсида навбатдаги президентлик сайловида қатнашиш эҳтимоли тўғрисидаги саволга жавобан.
Шу билан бирга, Трамп Афғонистондан АҚШ қўшинларининг олиб чиқиб кетилишини «Америка тарихидаги энг катта шармандалик» деб атади ва амалдаги президент Жо Байденни танқид қилди.
Доналд Трамп 11 сентябр куни Нью-Йоркдаги полиция ва ўт ўчириш хизмати ходимлари билан учрашувда 2024 йилдаги АҚШ президенти сайловида қатнашиши борасидаги режаларини айтганди.
Аввалроқ Трамп Жо Байден билан бокс қоидалари бўйича жанг ўтказиш истагини билдирганди. Собиқ президентнинг айтишича, у амалдаги давлат раҳбарини бир неча сония ичида нокаутга учратади.
Мавзуга оид
15:31
Калифорнияда Трамп митингидан олдин милтиқ ва тўппонча билан қуролланган шахс қўлга олинди
13:07 / 13.10.2024
«Чекмайди ва онда-сонда озгина ичади». Камала Ҳаррис ўз тиббий картасини эълон қилди
09:30 / 09.10.2024
Журналист Вудворд: Трамп Путин билан яширинча алоқада бўлган
19:28 / 08.10.2024