Telegram ва TikTok ишида узилишлар кузатилди

Downdetector маълумотларига кўра, Telegram фойдаланувчиларида иловани ишга туширишда, серверга уланиш ва хабар жўнатишда муаммолар кузатилмоқда.

Фото: KUN.UZ

WhatsApp фойдаланувчилари оммавий равишда Telegram мессенжерига ўтаётгани сабабли мессенжер серверлари юкламага дош беролмай қолди. Бу ҳақда Telegram Twitter аккаунтида маълум қилди.

“Барча янги фойдаланувчилар WhatsApp’дан ўтаётганидан хурсандмиз, аммо серверлар барчага бирдан хизмат кўрсатишга қийналмоқда”, — дейилади мессенжер хабарида.

Шунингдек, TikTok ижтимоий тармоғида ҳам носозликлар юз берди.

Маълумот берилишича, фойдаланувчилар Тошкент вақти билан соат 21:00дан муаммоларга дуч кела бошлаган.

TikTok ишидаги носозликлар асосан Европада кузатилмоқда.

Аввалроқ Facebook, Instagram ва WhatsApp фаолиятида узилишлар кузатилаётгани хабар қилинганди.