Самарқандда жорий йилда қарздорлиги туфайли 405 нафар жисмоний шахс ва 109 та машинага қидирув эълон қилинган

Самарқанд вилоятида жорий йил 9 ой давомида қарздорлиги туфайли 405 нафар жисмоний шахс ва 109 та автотранспорт воситасига қидирув эълон қилинган. Бу ҳақда Kun.uz’га МИБ вилоят бошқармаси ахборот хизмати хабар берди.

Маълум қилинишича, МИБ Самарқанд вилояти томонидан жорий йил 9 ой ҳолатига 405 нафар жисмоний шахсга қарздорлиги туфайли қидирув эълон қилинган. Қидирув бўлими томонидан олиб борилган тадбирлар натижасида улардан 313 нафари топилиб, давлат ижрочиларига топширилган ва тегишли жавобгарлик масаласи ҳал этилган.

Қолган 92 нафар қидирувдаги қарздор шахснинг 65 нафари хорижга, шундан 55 нафари Россияга, 5 нафари Туркияга, 3 нафари Қозоғистонга, 1 нафари Исроилга ва 1 нафари АҚШга ишлаш мақсадида чиқиб кетгани аниқланган.

Қайд этилишича, хорижда юрган 65 нафар қарздор жисмоний шахсдан 58 нафари «Минск конвенцияси»га асосан халқаро қидирувга берилган. Қолган 27 нафар қарздорни қидириб топиш чоралари кўрилмоқда.

Таъкидланишича, қидирувда бўлган 109 та автотранспорт воситасидан 89 таси мутасадди идоралар билан ҳамкорликда олиб борилган қидирув тадбирлари натижасида топилган. Қолган 20 тасини топиш бўйича қидирув тадбирлари олиб борилмоқда.

Самарқандда МИБ ходимларининг устига бензин сепиб, ёниб турган сочиқни улоқтирган аёлга суд ҳукми эълон қилинди

17 мингга яқин самарқандлик алимент тўламагани сабаб чет элга чиқишга вақтинча тақиқ қўйилган

Тайёрлаган: Аббос Салайдинов

#Самарқанд вилояти