ОАВнинг маълумот беришича, ИШИД жангарилари Ар-Рашад қишлоғида бир гуруҳ ёшларга ҳужум қилган, сўнгра уйларга турли қуроллардан тартибсиз равишда ўт очишган.
Ироқ шарқида жойлашган Дияла вилоятидаги қишлоқлардан бирига ИШИД террорчи ташкилоти жангариларининг ҳужуми оқибатида 23 киши ҳалок бўлди. Бу ҳақда Al Arabiya телеканали хабар бермоқда.
Аввалроқ Al Hadath телеканали 15 киши қурбон бўлгани ҳақида маълумот берганди.
Ироқ ОАВнинг маълумот беришича, ИШИД жангарилари Ар-Рашад қишлоғида бир гуруҳ ёшларга ҳужум қилган, сўнгра уйларга турли қуроллардан тартибсиз равишда ўт очишган.
Террорчилар ҳарбий хизматчилар қишлоққа етиб келганидан сўнг ортга чекинган.
Shafaq News портали ўз манбасига таяниб, Наҳр ал-Имом қишлоғига ҳам ҳужум уюштирилганини маълум қилган. Порталнинг ёзишича, номаълум шахслар етти кишини ўлдирган ва боғларга ўт қўйган.
ИШИД жангарилари 2014 йилда Ироқ ҳудудининг учдан бир қисмига яқинини эгаллаганди. 2015 йилда Ироқ ҳукумат кучлари халқаро коалиция ёрдамида экстремистлар эгаллаган ҳудудларни озод қилиш бўйича кенг кўламли операция бошлади. 2017 йил декабрда ИШИД мағлуб этилгани эълон қилинди.
