Илон Маскнинг бойлиги тўрт кун ичида 50 млрд долларга кўпайди

Йил бошидан буён бизнесменнинг бойлиги 132 млрд долларга кўпайган.

Фото: Global Look Press

Tesla ва SpaceX компаниялари асосчиси Илон Маскнинг бойлиги миқдори атиги тўрт кун ичида 50 млрд долларга кўпайди. Бундан Bloomberg Billionaires Index маълумотлари дарак бермоқда.

25 октябрь куни унинг бойлиги 252 млрд доллар деб баҳоланганди, 29 октябрда эса бу кўрсаткич 302 млрд долларга етди. Бу мутлақ жаҳон рекорди ҳисобланади.

Йил бошидан буён бизнесменнинг бойлиги 132 млрд долларга кўпайган.

Унинг бойлиги миқдори Tesla компанияси акциялари нархи ўсиши ҳисобига ошмоқда.

Morgan Stanley таҳлилчиларининг фикрича, Маск дунёдаги биринчи триллионерга айланиши мумкин.

#Илон Маск