Тошкентдаги кўчалардан бири 4 кунга ёпилади

Тошкент шаҳрининг Чилонзор туманидаги кўчалардан бири 4 кунга ёпилади. Бу ҳақда пойтахт ҳокимлиги матбуот хизмати хабар берди.

Қайд этилишича, 6 ноябрь куни соат 07:00 дан 10 ноябрь куни соат 20:00 га қадар Чилонзор туманидаги М.Ғафуров кўчасида транспорт воситаларининг ҳаракатланиши вақтинча чекланади.

Бунга йўлни таъмирлаш ишлари олиб борилиши сабаб экани маълум қилинган.

Ҳайдовчиларга айланма йўллардан фойдаланиш тавсия этилган ва юзага келган ноқулайлик учун узр сўралган.