Қарийб 10 минг маҳаллага ёшлар вакили лавозими учун танлов эълон қилинди
Ёшлар ишлари агентлиги вакили лавозимига 18 дан 35 ёшгача бўлган, қарийб 10 минг ёш қабул қилинади. Хўш, қандай қилиб ариза топшириш мумкин?
Президент ҳузуридаги Давлат хизматини ривожлантириш агентлиги Ёшлар ишлари агентлиги билан ҳамкорликда маҳалла фуқаролар йиғинларидаги Ёшлар ишлари агентлиги вакили номзодлигига очиқ мустақил танлов эълон қилди.
Танловда 9 259 та маҳалладаги Ёшлар ишлари агентлиги вакили саралаб олинади.
Танловда иштирок этиш учун номзодлар Давлат фуқаролик хизматчилари вакант лавозимларининг ягона очиқ портали орқали рўйхатдан ўтишлари, вакант бўлган лавозимга сўралган ҳужжатларни электрон шаклда тақдим этишлари зарур.
Ҳужжатлар 2021 йил 12 ноябрдан 16 ноябргача (шу куни ҳам) қабул қилинади.
Шунингдек, ҳужжатларни электрон юбориш тартиби бўйича видеоқўлланма ҳамда Ягона идентификация тизими — id.egov.uz’дан рўйхатдан ўтиш бўйича видеоқўлланмадан фойдаланиш мумкин.
Эслатиб ўтамиз, президент Шавкат Мирзиёев 9 октябрдаги видеоселекторда 1 январдан республиканинг 9 минг 259 та маҳалласида «ҳоким ёрдамчилари» иш бошлашини айтганди.
Мавзуга оид
08:50 / 21.09.2024
«Очиқ бюджет» порталида «Маҳалла бюджети» бўлими ишга тушди
21:51 / 29.07.2024
Фарғонада “Мирзо Улуғбек ворислари”га ваъда қилинган мукофот пуллари берилмади, нега?
21:39 / 26.07.2024
Имтиҳонлар тугади. Абитуриентларнинг ярми тестдан йиқилди
12:30 / 25.07.2024