Тошкентда ифлосланган қор ёғишининг сабаби маълум қилинди

{Yii::t(}

Ўтказиб юбориш 6s

Ўтказиб юбориш

17 ноябр куни Тошкент шаҳрида таркибида чанг зарралари бўлган ифлос қор ёғди. Гидрометеорология хизмати маркази мазкур қор таркиби ўрганиб чиқилгани ва нега бундай чангли ёғин кузатилгани борасида ахборот берди.

“Ифлосланган қор ёғишига 4 ноябрда Қозоғистон жанубида ва 16 ноябрда Бухоро вилоятида кузатилган қум бўронлари сабаб бўлди. Агар Тошкентда 14 ноябрда ёғинлар ёғиб ҳаво тозаланган бўлса, Бухоро вилоятида эса ёғинлар бўлмади.

17 ноябрда республиканинг бутун ҳудудига шамолнинг тезлашиши ва баъзи жойларда қумли бўрон билан совуқ нам ҳаво массаси кириб келди. Шамол тезлигидан кўтарилган чанг масофага кўчди ва тупроқ ва қум рангини бўяб Тошкент шаҳрига чўкди”, дейилади хабарда.

Билдирилишича, мазкур қорнинг ёғиши инсон саломатлигига зиён етказмайди ва ҳавони тозалайди.

“Атмосфера ҳавоси таҳлил натижалари кўрсаткичлари: қорнинг pH (кислоталилик) - 9,6 ни ташкил этди. Ишқорли муҳит одатда pH - 7 бўлади. Электр ўтказувчанлик 73,2 ни ташкил этди, бу анионлар ва катионларнинг унча катта бўлмаган концентрациясидан далолат бўлади ва инсон саломатлигига зиён етказмайди.

5:10 да Тошкент шаҳрида атмосфера ҳавосида муаллақ зарраларнинг кескин ошиши қайд этилди, улар 2.3 РEМ’ни ташкил этди. Ёғинлар ёғиши натижасида ҳавонинг тозаланиши содир бўлади”, дея ёзади “Ўзгидромет”.

Эслатиб ўтамиз, 4 ноябрь куни Тошкентда ғайриоддий чанг-қумли туман тушиши ҳодисаси кузатилди. Шаҳар ҳавосида чанг миқдори меъёрдагидан 30 баробаргача ортиб кетди.